2010 წლის სექტემბერი - 2011 წლის მაისი

„ყოველდღე დედამიწის ექვსი მილიარდი მოსახლეობიდან ერთი მილიარდი მაინც სვავს ღვინოს და არა მგონია მათ იცოდნენ თუ ვინ, როდის და სად შექმნა ეს ღვთიური სითხე“ — ამბობს ფილმის ავტორი და რეჟისორი მერაბ კოკოჩაშვილი. კავკასია და საქართველოა ღვინის სამშობლო. სწორედ ამის შესახებ გვიყვება სრულმეტრაჟიანი დოკუმენტური ფილმი, სათაურით — „ღვინის აკვანი“.

ფილმის ხანგრძლივობა: 60 წუთი; ფორმატი: HD 1080p.

ფილმი განხორციელდა საქართველოს კინემატოგრაფიის ეროვნული ცენტრის და ფონდ „ღია საზოგადოება — საქართველოს“ ფინანსური მხარდაჭერით.

მწარმოებელი კომპანიები: ახალგარდა რეჟისორთა კავშირი  „ახალი სტუდია“ და GFM Studio.

GFM Studio უზრუნველყოფს ფილმის წარმოების მენეჯმენტს, გადაღებისა და პოსტ-პროდუქციის ტექნიკას და მომსახურებას, მსოფლიო დისტრიბუციას.

ფილმის სცენარის ავტორები: კოტე ჯანდიერი, მერაბ კოკოჩაშვილი (საქართველოს სახალხო არტისტი, რუსთაველის პრემიის ლაურეატი).

ოპერატორები: დავით გუჯაბიძე, გიორგი ხარებავა, კომპოზიტორი ნოდარ მამისაშვილი, მხატვრბი: გოგი ტატიშვილი, თეა გელაშვილი, გურამ ნავროზაშვილი.

პროდიუსერები: მერაბ კოკოჩაშვილი, ნოშრე ჩხაიძე. კო-პროდიუსერი: ვლადიმერ კაჭარავა. 

მაყურებელი კიდევ ერთხელ შეხვდება ქართველი საზოგადოებისთვის საყვარელ მსახიობებს: კახი კავსაძეს, გივი ბერიკაშვილს, ჯემალ ბაღაშვილს, ვანიკო მაჭავარიანს, ვახტანგ ცხადაძეს, აგრეთვე ცნობილ მეცნიერებს, მევენახეებს, მეღვინეებს.

ფილმის წარმოება დასრულდა, პრემიერა ამ წლის ბოლომდე დაინიშნება.